Тэгэхдээ оффисд ажилладаг хүмүүс бол чанартай сайн хувцас өмсөнөө. Тэгэхдээ нүдээ бүлтэртэл гоёх нь бол бараг л байхгүй талдаа. Даруухан, чанартай хувцас өмсөнө. Анзаараад байхнээ хүмүүс нь эрх чөлөөгөөрөө гангардаг болохыг мэдлээ. Та хэр зэрэг санхүүгийн эрх чөлөөтэй хүн вэ гэдэг нь их чухал байдаг юм байна. Өдрийн 8 цагийн ажилд баригдахгүй, дуртай юмаа хийх чадвартай бол та хамгийн ганган хүн болж таарч байгаа юм.

Олон жил бизнес хийгээд дураараа явчихсан хүний хувьд  хүний удирдлаганд ажиллах утгагүй санагддаг юм билээ. Уг нь гайгүй цалин авдаг, хотын төвд шилэн оффист л ажиллана шүү дээ. Санхүүгийн компани болохоор цуг ажилладаг хүмүүс маань соёлтой, боловсролтой хүмүүс байх. Гэсэн ч энэ миний хийх ажил биш байнаа, би энэнээс ихийг хийж чадна даа гэж бодох бодол намайг тайван байлгахгүй байлаа.  Хийж байгаа ажил маань нэгэн хэвийн, миний хувьд сурах юм байхгүй болчихоороо л ажил сонин болчихдог. Ер нь хүн нэг газар 2-3 жил ажиллахад бүх ажил нь гарт орчихдог доо. 

Би бизнесээ хийх зорилгоор ажлын цагаа багасгаад, бизнестээ илүү цаг зарцуулах шаардлагатай байгаагаа хэлснээс хойш хүмүүсийн надад хандах хандлага ч өөрчлөгдөж байгаа юм. Ажлын 8 цагт баригдахгүй амьдрана гэдэг нь эндхийн хүмүүст их чухал байдаг болоод тэр. Өдөр тутмын мөнгөний асуудалгүй амьдрах миний мөрөөдөл учраас бизнес хийхээр шийдсэн хэрэг лдээ. Миний өдрийн 8 цагаар ажиллаад авсан цалин хоол хүнс, түрээсдээ зарцуулаад л таарах амьдрал надад таалагдахгүй байгаа юм. 

Доктороо хамгаалах хугацаанд бодох санах юмгүй гарт орсон ажлаа хийгээд амьдралаа залгуулаад байхад болж байсан. Доктороо дуусахаар  юу хийх билээ гэж бодоод л явсан юм.  Шинэ Зеландад бизнес эхэлчихвэл Монгол явахаараа яах билээ гэж бодно. Онлайн бизнесын хувьд байрлал чөлөөтэй (location free) гэдэг нь маш их таалагдаж билээ. Монголдоо очсон ч энэ ажлаа үргэлжлүүлээд байж болно. Мөн цаг хугацааны хувьд чөлөөтэй (time free).  Энэ намайг өөрийн эрх чөлөөгөөр гангарах боломжийг олгож байгаа юм. Хэн нэгэнд баригдахгүй өөрийн хүссэнээр өөрийн цагийг зарцуулах тэр мэдрэмж хамгийн ГОЁ.