Яагаад англи хэлийг гэрээсээ сурах гэж?
Сурахыг эхлүүлэх нэг арга зам бол гэртээ, өөрийн тухтай орчинд эхлэх байдаг. Юу хүссэнээ сурах хамгийн тайван орчин бол гэр байдаг. Англиар ярихыг гэрээсээ хөгжилтэйгөөр сурах 5 шалтгааныг дурьдвал:.
1. Гэртээ та тухтай. Энэ дэлхий дээр таны гэр орноос өөр хамгийн тухтай газар байхгүй бизээ. Ямар хувцас өмсөх вэ гэж санаа зовохгүй. Түүнчлэн та ангид сурч байгаа бол асуултад зөв хариулах ёстой болно. Хэрвээ та тухтай байвал та амжилттай суралцах боломжтой.
2. Гэртээ та тааламжтай байх болно. Та гэрээсээ гарч өөр газар луу явах хэрэггүй. Та гэртээ дуртай цагтаа хичээллэж болно.
3. Гэртээ та бүтээмжтэй байх болно. Юу ч хийхгүй байхын оронд чөлөө цагаа бүтээлч зүйлд ашиглах болно. Чөлөөт цагаараа ямар их зүйл сурснаа та гайхах болно.
4. Гэртээ та ямар нэгэн дарамтгүй суралцах болно. Ангийхнаа гүйцэх гэж санаа зоволгүйгээр өөрийн хурдаар хичээлээ хийх болно. Дарамтгүйгээр сурахад сурах зүйл таньд илүү амархан санагдах болно.
5. Гэртээ суралцах хэмнэлттэй. Гэртээ англи хэл сурахад хичнээн олон зүйлийг хийж болохыг хараад та гайхах болно. Нэг ч төгрөг зарахгүйгээр үүнийг хийх боломжтой тул таньд бас таалагдана.
Хөгжилтэйгөөр суралцах нь үнэхээр боломжтой гэдгийг та хараарай. Одоо та үүнийг сонсоод сэтгэл тань сайхан болж байна уу? Англиар ярьж сурна гэхээр сэтгэл тань хөдөлж байна уу?
ГЭРЭЭСЭЭ АНГЛИАР ЯРЬЖ СУРАХ 10 ХӨГЖИЛТЭЙ, АМАРХАН АРГУУД:
1. КАРАОКЭД ДУУЛАХ - Sing Karaoke
Зөвхөн хөгжимийг нь тавиад ганцаараа караокед дуулах нь үнэхээр хөгжилтэй. Заримдаа өөр хүмүүстэй хамтдаа дуулахад ичих, санаа зовох нь бий. Харин гэртээ та санаа амар, өөрийн дуртай дууг чангаар дуулах боломжтой. Та англиар л дуулж байгаагаас хойш таны ярианы чадвар цагийг сайхан өнгөрөөж байхдаа л сайжрах болно. FluentU гээд хайгаад үзээрэй, энд ихэнх англи дууны үгнүүдийг оруулсан байдаг. Үүгээр дууныхаа үгийг, хөгжмийн хамт олоод өөрийн төвшин тааруулан “learn mode” дээр дууны үгэнд байгаа шинэ үгнүүдээ ойлгох гээд үзээрэй. Game Lyrics Training-г ашиглаад ямар үгнүүдийг алдаж байгаагаа шалгаад үзээрэй. Дараа нь дуучных нь хамт цугтаа хэдэн удаа дуулаад үзэхэд та хамаагүй сайжирсан байхыг харах болно.
Түүнчлэн та үнэтэй караоке машин авах шаардлагагүй. YouTube дээрээс караокетай дуунуудыг амархаан олчихож болно. Дуртай дуучныхаа нэр, дууныхаа нэрийг бичээд дээр нь “karaoke” гээд л хайхад болно. Жишээ нь та сонгодог дуу болох Blondie-гийн “One Way or Another” дууг хайя гэвэл YouTube дээр “One way or another blondie karaoke” бичээд л болоо. Мөн Adele-ийн “Someone Like You,” Journey’s “Don’t Stop Believing”, “Summer Nights” зэрэг дуунуудаас эхэлж болох юм.
2. ЧАНГААР УНШ - Read Out Loud
Аяархан унших нь таны оюун ухаанд англи хэлийг дасгалжуулахад тусална. Гэхдээ чангаар уншвал таны хэл англиар зөв ярихад дасгалждаг байна. Нэг уран зохиолын, яруу найргийн эсвэл сонирхолтой түүхийн ном сонгож аваад чангаар уншаад эхэл. Англиар унших ёстой том номнуудаас өмнө эхлээд уншихад амархан материалуудыг сонгоорой. Англиар ярих сургууль хийж байхаад та үгнүүдээ зөв хэлж байгаа эсэхээ мэдэх ёстой шүү. Гэртээ өөрийн дуудлагаа шалгахын тулд Google’s Play Store-оос зарим нэг apps-ийг суулгаж авч болно. Мөн Kepham-ийг оролдож үзэх боломжтой. Аpps-аа суулгачихвал үгээ оруулж шалгаад л болоо. Мөн Sounds гээд дуудлаганы apps байдаг ба энэ нь америк болон англи дуудлагыг шалгах боломжийг өгдөг. Энэ apps давтах болон тест хийх хэсэгтэй. Эдгээр apps-ууд суулгахад үнэгүй байдаг.