Энд нэг түүхийг оруулья. Их Сургуульд багшилж байхдаа үдийн цайгаар найзтайгаа ярьсан яриа. Би олон улсын нягтлан бодох бүртгэлийн тайлагналын стандарт гэсэн хичээл заах гэж байгаа. Уншихад их хэцүү юм. Яаж хүмүүс их хэцүү юм бичдэг байнаа, энэ хүмүүс шиг болох юмсаан гэж. Тэгсэн найз минь хэлж байгаа юм. Юун ч том юм мөрөөддөг юм. Хаа байсан тэр хол байгаа олон улсын стандарт вэ? Тэр үедээ нээрээ л хол юм гэж. Докторт ирээд олон улсын стандарттай холбоотой сэдэв авч байгаа юм. Докторын хамгаалалтанд суусан хүмүүсийнхээ шүүмжийг уншсан чинь Олон Улсын Нягтлан Бодох Бүртгэлийн Хорооны хувьд анхааралдаа авах хэрэгтэй сэдэв болжээ гэсэн дүгнэлт ирснийг хараад холын гэж бодож байсан зүйл холын биш байжээ гэж бодож билээ.

Онлайнаар бизнес хийж топ орлого олдог хүмүүсийн нэг болно гэсэн бодлоо би холын юм гэж харахгүй байгаа. Интернет хөгжсөн өнөө үед холын юм маш ойрхон болсон шүү дээ. Та бүх хичээлүүдийг нь онлайнаар авчихна, мэдэхгүй юмаа онлайнаар холбогдоод мэдчихнэ, төлбөр тооцоогоо онлайнаар хийчихнэ, хамгийн гол нь бүтээгдхүүнээ онлайнаар дуртай газараа сурталчилна, үнэхээр гайхалтай биш гэжүү. Саяхан Хөвсгөл аймгаас нэгэн хүн багатай суманд ажилладаг эмэгтэй /өөрийгөө төрийн албан хаагч гэж хэлсэн/ холбогдоод онлайн бизнес хийж санхүүгийн эрх чөлөөтэй болох хүсэлтэй байгаагаа хэлсэн юм. Боломжгүй юм энд ерөөсөө байхгүй болчихсон байна шүү дээ. Хаа байсан тэндээс ертөнцийн нөгөө хэсэгт амьдарч буй би ямар ч асуудалгүй холбогдож байна шүү дээ. 

Богинохоон хугацаанд /хагас жилийн дотор л/ онлайн сургалтын материалаа гаргачихлаа. Анхан шатны нягтлан бодох бүртгэлийн сургалт маань маргааш нээлтээ хийх гэж байна. Энэ долоо хоногийн сүүлчээр Шинэ Зеланд, Австрали брендүүдийн онлайн дэлгүүрээ нээнэ. Тун удахгүй Америк брендүүдийн онлайн дэлгүүрээ нээхээр зэхэж байна. Дараагийн ажил маань Монголчуудаа Шинэ Зеландад аялах, сурахад нь тусална гэсэн төлөвлөгөөтэй байгаа. Хийх ажил их байнаа. Найзтайгаа цуг онлайн бизнесийн сургалтанд сууж байсан үеийн зургийг орууллаа. 6-хан сарын өмнө бид 2 ингээд сууж байжээ.