Oyuna & Erica
To help people to build their online business
Нийтэлсэн огноо: 2019 оны 9-р сарын 26
Unstoppable Family - Зогсолтгүй Гэр Бүл
No matter how you feel get up, dress up, show up and never give up..
Ямар ч санагдсан босоод хувцасла, оч, хэзээ ч бүү бууж өг... Phonda Renee Swan
Өөрийгөө брэнджүүлэх/бизнесийн хөгжил/эрх чөлөө
Таны адил дэлхийгээр аялагч, онлайн брэнд стратегич, сошиал медиа эксперт, бэссэллинг зохиолч Rhonda Swan нь сүүлийн 13 жилийн туршид онлайн ертөнц, дижитал эдийн засаг гм олон зүйл дээр туршлагажсан байна. Түүний ажлууд Forbes, Business Insider and The Huffington Post дээр хэвлэгджээ.
13 жилийн өмнө нөхрийн хамт компаний ажлаасаа гарч бүтэн цагаар дэлхийгээр аялагч болжээ. Өнгөрсөн 10 гаран жил “Unstoppable Family” буюу ”Зогсолтгүй гэр бүл” нэрийг авсан байна.
Тэдний бусдад өгдөг мессэж бол өөрийн төгс өдрөөр амьдрах, өдөр бүр бусдад ухаарал өгч холбогдох, эрх чөлөөтэй амьдрах, өөрөөрөө бахархах домог үлдээх брэндийг босгох.
Эхний 30 өдөрт $0-оос $30K-ийг хийх төлөвлөгөө
Сайн байна уу? Намайг Rhonda Swan гэдэг. Би Зогсолтгүй гэр бүлийн зогсолтгүй ээж байна! Би сүүлийн 13 жил онлайнаар ажиллаж байна. Би 13 жилийн өмнө компаний ажлаа орхисон юм яагаад гэвэл хүүхдээ хэн нэгэнд найдаж орхихыг хүсээгүй хэрэг.
Би эхний 90 өдөрт $36K-ийн орлого олсон юм. Би өмнө нь эмийн компаний захирал, нөхөр маань роботийн инженер байлаа.
Сошиал медиа байхгүй байхад маркетингид нэг ч доллар заралгүйгээр хэдэн сая долларын бизнес босгосон стратегиудаа би өнөөдөр ашигласаар явна...зөвхөн нэмээд сошиалыг ашигласан хэрэг!
“Дахиад эхнээс нь эхэлвэл та юу хийх вэ?” гэсэн асуулт миний зүрхэнд хүрч байна, учир нь ажлаасаа гарч бизнесээ эхлээд 3 жилийн дараа буруу үл хөдлөхөд хөрөнгөө оруулснаар бүх зүйлээ алдсан юм.
БҮХ ЗҮЙЛЭЭ гэдэг нь бид сарын $50K+ орлого хийдэг байснаа юу ч үгүй болсон хэрэг. Хагас сая доллар, 3 машин, $1.7 саяийн гэр орноо нэмээд зөндөө...
Тэр ч битгий хэл Skype-д төлбөр хийж чадахгүй болсон. Хамгийн гол нь миний охин Hanalei дөнгөж төрсөн байлаа.
Энэ бүлгээр бүх зүйлээ алдсаны дараа хэрхэн эхний 30 хоногт $30K-ийг босгож ЗОГСОЛТГҮЙ болсноо алхам бүрээр таньд хуваалцах юм.
Өдөр 1
Бүх зүйлээ алдсан тул бодитой, ухаантай байх шаардлагатай болно. Хамгийн эхлээд хийх зүйл бол надад хэрэггүй, үнэ хүрэх юу байгааг гэрээсээ хайна. Үүнд ТВ, видео тоглоомууд, гар утас, тавилга, гоёл зүүлт орно. Дараагийн 7 өдөр маркетинг хийх $5,000 хэрэгтэй, анхны бизнесээ босгох бөх бат суурь миний толгойд маш тодорхой байна!
Дараагийн 45 хоногт олох орлогын талаар томоохон зээлдүүлэгч нар луу 2 сарын хугацаатай зээлийн хүсэлт явуулна. Би энэ төлбөрийг 60 хоногт бүрэн төлж барагдуулна, тиймээс тэд надтай эргээд холбогдоно. Тэгээд амархаан 3 төлөвлөгөөг гаргана.
Оюун ухааны тоглоом
Онлайн тоглоом
Газар дээрх тоглоом
Оюун ухааны тоглоомоор өөрийн бүтээгдхүүн, бизнесийн нээлтийн тодорхой өдрүүдийг хуваарь дээрээ оруулах. Ирэх 30 өдөрт календар эсвэл гар утсан дээрээ сануулгуудыг оруулна Гэр бүл, ойрын хүмүүс биш бол найзуудтайгааа гадуур гарах, оройн хоолонд орох, хөнгөн хийсвэр үдэшлэг, Netflix үзэх цагуудыг хуваарьт оруулахгүй! Энэ бүхэн намайг оюун ухааны дараагийн төвшинд аваачихад туслах юм.
Би өглөө эрт босдог хүн. Өглөө бүр 3АМ босно, орой орондоо 9pm -д орно. Өөр дээрээ төвлөрөх, хүсч буй зүйлээ хэрэгжүүлэх, бизнесээ босгох бүхэл бүтэн 18 цаг надад байгаа. Би энэ 18 цагийг 6 цагаар 3 хуваана. Эхний 6 цаг өөрийгөө болон оюун ухаанаа хөгжүүлэхэд зарна.
Цаг1: 3 цагт босоод хийх зүйлээ зураглан, өөрийн тарниа ( mantra) хэлнэ. Өөрийгөө толинд харж, би хэн, юу хийж байгаа, яагаад хийж байгаа, гаргах үр дүнгээ өөртөө хэлнэ. Үндсэндээ би гайхалтай хүн шүү гэдгээ өөртөө сануулах юм.
Миний тарни бол:
Чи бол хүчтэй манлайлагч, бизнес бүсгүй. Чи бусдыг халамжилдаг, өгдөг, миний тус хэрэгтэй, үйлдэл хийхэд бэлэн хүмүүст үнэ цэнийг өгдөг. Чи охиноо хэн нэгнээр харуулахгүй гэж тангараг тавьсан. Өнөөдөр чи өчигдрөөсөө илүү байх болно. Чи бол ЗОГСОЛТГҮЙ!
Дараагийн 30 өдөрт хийх зорилго зорилтуудаа цувуулан бичнэ.
Мөнгөний зорилго: 30 өдөрт $30K. Яагаад? Хэдийгээр бүх зүйлээ алдсан ч охиноо өөр хүнээр харуулахгүй гэсэн тангарагтай, би энэ тангарагаа үргэлж санах болно.
Би бусад эмэгтэйчүүдийг өөрсдөө орлогоо олонгоо хүүхдүүдээ өсгөдөг болоход нь тэдний газарчлах гэрэл байхыг хүсч байгаа юм. Тэд өөртөө итгэлтэй, өөрсдийн авьяас чадвараа бусдад борлуулахад айхгүй байх ёстой. Энэ шагналыг авах, ялагч болоход төвлөрөх, шаргуу байх, айдсаа давахыг шаардана!
Яаж: би өөрийн шинэ үзэгчиддээ маш их үнэ цэнийг бүтээж, гол асуудлыг нь шийдэхэд тусална. Ирэх 30 өдөрт $997 (хараахан хийгээгүй байгаа) бүтээгдхүүнийг бүтээн түүнийгээ борлуулах юм. Би үүнийгээ нисэж байхдаа онгоцоо бүтээх гэж нэрлэнэ. Дараагийн $4,997-ийн, надтай 8 долоо хоног хамтдаа ажиллах саналыг бүтээнэ.
Юу: 21 дэх өдөр хийх онлайн семинараар энэ борлуулалтыг хийнэ. Хэрвээ би 21 хоногт надад бүртгүүлсэн хүмүүст хангалттай үнэ цэнийг өгвөл онлайн семинарт оролцогсдын 18%–28% нь энэ худалдан авалтыг хийнэ, би үүнийг өөрийн туршлагаар мэдэж байна. Миний зорилго бол тэдэнтэй лайваар тохиролцох. Миний
Миний тоонууд:
• 150 хүн бүртгүүлнэ
• 70 оролцоно
• 18% буюу: 12.6 худалдан авагч x $997 = $13,000
• 3% сагс хаахаас өмнө нэмэлт = $2,000
• $15K онлайн семинараас орж ирэх орлого
• дараагийн саналыг 3 хүн худалдан авна $5K = $15K
30 өдөрт $30K. Үүнийгээ дахин дахин хийсээр байх болно!
Цаг 1: Оюун ухааны зураглал үргэлжилж байна. Өнөөдөр хийж дуусгах 3 топ зүйлээ журналдаа бичнэ. Өглөөний тарни болон журналын ажлаа дуусгаад Napoleon Hill-ийн Think and Grow Rich номын нэг бүлгийг уншина. Бизнесийн ямар ч ажил эхлэхээс өмнө үүнийг унших нь чухал байдаг.
Одоо дасгалаа хийх цаг. Нэг цаг дасгал хийж байхдаа аудио ном сонсоно. Миний энэ сонсох номнууд миний орох niche-тэй холбоотой, тэдний сэтгэлгээнд үнэ цэнэ нэмэх номнууд байна. Gary Vaynerchuk-ийн Crushing It!, Deepak Chopra-ийн Super Brain гм.
Миний сэтгэлгээнд өөрчлөлтийг авчрахад туслах тийм номнуудыг сонгож уншина. Дасгал болон сэтгэлгээгээ сайжруулах ажлуудаа эхлэхээс өмнө гар утсаа airplane mode дээр тавих ба зөвхөн өөрийн авч буй мэдээлэл дээрээ төвлөрнө.
Дасгалаа дууссаны дараа СУПЕР ХҮНС иднэ, Jamu гэж нэрлэдэг жүүс, бид энд Балид амьдардаг учраас turmeric болон Bulletproof кофе ууна. Энэ кофе хурдан шийдвэр гаргах явцад төвлөрөхөд тусалдаг болохоор миний хамгийн дуртай кофе юм. Эхний 3 цаг миний хувьд хамгийн бүтээлч цагууд. (хэрвээ та Bulletproof кофений талаар мэдэхгүй бол David Asprey-ийн Bulletproof Diet-ийг санал болгох байна.)
Дараагийн 3 цагт өөрийн онлайн болон газар дээрх тоглоомуудаа үргэлжлүүлнэ.
Онлайн тоглоом. Би хамтарч ажиллах хүмүүс, мөн хүмүүсийн асуудлыг шийдэх бүтээгдхүүнийхээ зураглалыг гаргана.
Жагсаах зүйлс:
.... Тэд хэн байх вэ?: нас, юу уншдаг, юу хийдэг, тэдний айдас, асуудал
.....Миний бүтээгдхүүн үйлчилгээ, програм НЭГ ЗҮЙЛ-ийг шийдэж чадах юм
.....Тэр хүнд байж болох бүх асуудлуудыг жагсаана. Эсвэл YouTube-ийн хайлтуудыг шалгана. Үүндээ Google Keyword Planner-ийг ашиглана.
Энд хүмүүсийн YouTube-дээр хайлт хийдэг түлхүүр үгнүүд байдаг.
Энэ органик онлайн тоглоомыг босгоход тусална. Жишээ нь хэрэв Флоридагийн Daytona-д (газар зүйн байршлаар) машин засварын дэлгүүр ажиллуулдаг бол моторын засвар, dry-rotted tires, цөмрөл арилгах, цөмрөлт засах гм. Эдгээр бол жижигхэн жишээ. Тэд нарын хамгийн гол асуудал юу болох талаар бодно, тэгснээр надад маркетингийн маш нарийн мессэжүүд бий болно. Зах зээл маань мэссэжтэйгээ таарч байх ёстой!
Хамаарал бүхий Facebook Groups болон LinkedIn
Миний бүтээгдхүүн үйлчилгээтэй хамаарал бүхий Facebook Groups-үүдийг олох цаг. Би үнэ цэнэ нэмж тусалж чадах группуудэд пост тавих 21 өдрийн төлөвлөгөө гаргана.
Нэлээд хэдэн группуудийг сонгосны дараа LinkedIn дээр аккаунт нээн контентоор ханган ирээдүйд хамтран ажиллах хүмүүстээ хүрэх юм. Миний маркетингий төсөв $5K. Ийнхүү өөрийнөө оюун ухааны, газар дээрх, онлайн тоглоомоо зураглаж байгаа юм. Эдгээр бол миний өдөр тутамдаа хийх зүйлс. Онлайн болон газар дээрх тоглоомоо хэрэгжүүлэх төлөвлөгөө юм.
Онлайн тоглоомын хамгийн эхэнд хийх зүйл бол миний 21 өдрийн төлөвлөгөөг хийх. Эхний долоо хоног бэлтгэл ажил, дараагийн 7 хоног төлөвлөгөөгөө хэрэгжүүлэх. 9PM… одоо ор луугаа явлаа.
Өдөр 2
Өчигдөр юу хийх талаараа зохион байгуулалтын ажил хийсэн. Өнөөдөр (сар бүрийн эхний энэ өдөр) өглөө 3 АМ-д босоод, тарниа уншина, Think and Grow Rich номынхоо нэг бүлгийг уншина. Тэгээд энэ өдөр хийх топ 3 зүйлээ бичиж, төлөвлөнө. Миний зорилго, 30 дах өдөр юунд хүрэх ёстой гм.
Өдөр 2 бол 21 өдрийн төлөвлөгөөг хийх өдөр. Энэ төлөвлөгөө бол Facebook Live болон YouTube videos хийх ORGANIC бүтэц байх юм. Би аль хэдийн YouTube стратегиа гаргасан. Одоо харин Facebook Live хийх хуваариа гаргана.
Миний лайв бичлэгнүүд YouTube-тэй төстэй түлхүүр үгүүдийг ашиглана, гэхдээ эдгээр маань тодорхой дараалалтай байх юм. Pied-Piper нөлөө бүхий үнэ цэнийг Facebook пейж дээрээ өдөр бүр тавина. Энэ би асуудлыг нь шийдэж өгч чадах миний үйлчлүүлэгчдийг татах ёстой!
Үйлчлүүлэгчдийнхээ өдөр бүр тулгардаг асуудлыг нь амархнаар шийдэх бага зэрэг мэдээллүүдийг хүргэнэ. 21 өдрийн эцэст би 15 минут санаа бодлоо уралдуулах хэрэгтэй болно.
Өдөр бүр постлох сэдвүүдээ бэлдэнэ. Лайв хийх сэдвийн бүтэц дээр ажиллана. Лайв бүр дараа бүтцийг заавал багтаасан байна.
Санаа. Өнөөдөр ямар сэдвээр ярих вэ? Эхний 6 секундэд ярих сэдвээ танилцуулна. Энэ маань өнөөдрийн үзэгчдийн анхаарлыг татахад туслах юм. Миний лайвд хүмүүс ирэхгүй гэж санаа зовохгүй байгаа. Учир нь энэ бичлэг дараа нь миний маркетингд ашиглагдах юм.
Төлөөс. Төлөөс гэдэг нь агуулга юм. Энэ бол миний ярих 3 зүйлийн нэг эсвэл үзэгчдийн аль нэг асуудлыг шийдэх зүйл байна. Би тэдэнд хэрэгжүүлэх боломжтой хийчихээр зүйлийг өгнө эсвэл яг энэ агшинд бүтээх боломжтой зүйлийг өгнө. Энэ үйлдэл нь 10-15 минут л байх ёстой!
Үйлдэл хийхэд дуудах: эхний долоо хоногт ямар нэгэн үйлдэл хийхэд дуудахгүй. Ямар нэгэн линк өгөхгүй. Би зөвхөн зөөлнөөр сануулна. Жишээ нь маргааш уулзья. Би маргааш яг энэ цагтаа ….сэдвээр яриагаа үргэжлүүлнэ гм.
Гогцоо үлдээх. Маргааш миний лайвд оролцох гогцоог үлдээх ёстой. Жишээ нь маргааш надтай 6pm-д нэгдээрэй. Би …. сэдвээр ярина гм. Гэхдээ ингэж хэлнэ “өө бурхан минь, би маргааш энэ сэдвээр ярих хэрэгтэй юм байна даа!”
Facebook Live хийх 21 өдрийн төлөвлөгөөнийхөө бүтцийг гаргачихлаа, одоо үүнийгээ зурагланаа!
21 өдрийн төлөвлөгөөний эхний долоо хоногт хүмүүст хүрэх,тэднийг асуудлыг шийдэх гэхдээ миний niche-ийн сөрөг талууд руу хандсан байна. Эдгээр нь илүү тэдний айдасд суурилсан байх эсвэл айдсын эсрэг ложиктой сэдэвүүд байна. Дандаа аз жаргалтай, азтай байгаагаа хэлэх юм бол хэн ч үүнийг сонсохыг хүсэхгүй. Тэд хэний ч ярьж байгаагүй сорилттой, хэцүү байдлаас гарсан түүхүүдийг харахыг хүсдэг.
Долоо хоног 1: Үнэ цэнэ. Эхний долоо хоног ямар нэгэн линк санал болгохгүй, зөвхөн, дараагийн лайвд оролцохыг зөөлнөөр сануулах, постны доор комментоо үлдээхийг тэднээс хүснэ.
2 дахь долоо хоног илүү ложикт суурилна. Өмнө ярьсан бүтцээ ашиглах ч сэдвүүд маань илүү ложиктой болно. Энэ маань хүмүүс өөрсдөд нь тусалж чадах юм байна гэдгийг ухааруулна. Амархан аргаар тохиргоо, өөрчлөлтүүдийг хийх болно. Жишээ нь:
Хэрхэн 30 хоногт жингээ хасах вэ: энэ гурван алхамыг дагаарай!
Хэрхэн 30 хоногт $30K хийх вэ: таны бизнесд орлого авчрах алхам алхамаар хийх заавар гм
Би үзэгчдийнхээ хуучин итгэл үнэмшил, эсрэгээр хүсч буй зүйлээ авах эсвэл хүсэхгүй зүйлээсээ зайлсхийх нь хэрхэн амархан болох талаар тайлбарлах болно.
21 өдрийн төлөвлөгөө V-V-O Plan (value, value, offer) буюу Ү-Ү-С Plan (үнэ цэнэ, үнэ цэнэ, санал) эсвэл хэрэв та Gary Vaynerchuk бол “жав, жав, жав, зөв дэгээ!”
2 дах долоо хоног: Үнэ цэнэ (Ү). Эндээс эхлэн линкүүдээ өгч эхэлнэ. Анхны санал болгох зүйлээ өгч ( lead magnet) эхэлнэ.үүнд е-ном, асуулт хариулт, эсвэл Facebook Group-д орох гм. Үүнийг эхний долоо хоногт хийгээгүй шалтгаан нь намайг мэдэхгүй шинэ үзэгчиддээ итгэл өгөхийг зорьсон юм.
Санамж: би одоог хүртэл төлөвлөгөөнийхөө моде дээр байгаа, надад одоохондоо е-ном алга байна. Гэхдээ би түүнийгээ удахгүй бэлэн болгоод бүтээгдхүүний нээлтээс өмнө танилцуулна.
3 дах долоо хоног: Санал (С). Би хүмүүсийг өөрийн лайв вэбинарт эсвэл мастер хичээлдээ дагуулж авчирна. Энд надтай хамтарч ажиллах боломж эсвэл өөрийн бүтээгдхүүн үйлчилгээг санал болгох юм.
Өдөр 8-аас хэрэгжүүлж эхлэх учраас төлөвлөгөөний 2 дах өдөр маш чухал! Эхний долоо хоног төлөвлөгөө гаргах, түүнийгээ бэлэн болгох, үүнийг хэрхэн хэрэгжүүлэх тал дээр ажилласан. Одоо эхний 21 хоногийн төлөвлөгөөгөө зурагласан учраас үүнийгээ одоо эхлэх цаг.
Өдөр 2,5. ХЭН. Миний дараагийн хийх зүйл бол миний бүтээгдхүүн үйлчилгээнээс өгөөж авах хүмүүсийг жагсааж бичнэ. Тэд бол миний найзууд, гэр бүлийнхэн биш харин ямар бизнес хувь хүмүүс байх вэ? (энд би илүү бүтээлч байх ёстой.) Үүнийгээ дуусангуут миний салбартай хамаарал бүхий оролцож болохоор ямар эвент семинарууд байгааг судална.
Дараагийн 30 өдөрт болох хэдэн эвентүүд байна? Энэ бол миний газар дээрх тоглоомын нэг хэсэг юм. Одоо миний affiliate бүтээгдхүүн үйлчилээг авах хэнийг мэдэх билээ? Би хэний бизнесд үнэ цэнэ нэмж чадах вэ? Хэн намайг вэбинартаа зочноор урьж чадах вэ? Хэн миний бүтээгдхүүн үйлчилгээг өөрсдийн үзэгчдэд сурталчлахыг зөвшөөрөх вэ? Хамгийн багадаа би 10 хүнийг бичнэ. Энэ бол онлайн тоглоомын нэг хэсэг юм.
9 РМ, унтахаас өмнө өөрийгөө нэг жүнз дарс сайхан хоолоор шагнанаа. Энэ намайг өөрийн төлөвлөгөөндөө сэтгэл хангалуун байхад минь туслах юм (Зөвхөн нэг жүнз дарс шүү…үүнийгээ итали маягаар хийнээ. LOL) . Хэвтэхээсээ өмнө 30 хоногт $30K хийх зорилгоо төсөөлж, тарниа хэлнэ. Борооны ая сонсон тайвнаар гүн нойрондоо орно. Би Relax Melodies апп-ийг ашигладаг юм.
Өдөр 6
Өнөөдрийн ажлууд маш энгийн.
WebinarJam дээр аккаунт авна.
Суурь аккаунт сонгон нээнэ.
Үүнийгээ ClickFunnels-тай холбоно
Эвентээ хийхэд бэлэн болно.
Ингээд л болоо! Өчигдөр вэбинарийнхээ сувгийг хийчихсэн. Одоо хийх зүйл маань энэ хоёр програм хангамж нийлээд зөв ажиллаж байгаа эсэхэд анхаарна.
Өдөр 7
Өнөөдөр компьюероос хол завсарлага авч сайхан амарнаа.
Өдөр 8-14
8 дах өдөр 21 өдрийн төлөвлөгөөгөө хэрэгжүүлж эхэлнэ! Эхний 7 хоногт ЦЭВЭР КОНТЕНТ явна. Ямар ч линкь санал тавихгүй…. Зүгээр л маш хурдан.
Хүмүүсийн асуудлыг шийдэх жижигхэн Лайв бичлэгнүүд байна. Facebook Live бичлэгний бүтэц:
Эхний 60 секундэд сэдвээ танилцуулна
Контент 15-20 минут
Дараагийн хийх зүйлийн талаар
Дараагийн лайвийн талаар гогцоо үлдээнэ
Бичлэг болгоны төгсгөлд дараагийн “episode”-ийг үзэх гогцоог үлдээнэ. Голдуу маргаашийн Лайваар сурах сэдвийн талаар эсвэл өнөөдрийн бичлэгний үргэлжлэл байхаар хийнэ.
Эхлээд төлөвлөхөд маш их хугацааг зарцуулсан, одоо үүнийг ажил болгох цаг, бүх зүйл байрандаа орсон. Долоо хоногийн өдөр бүр ямар сэдвээр бичлэг хийх вэ гэдгээ би мэдэж байгаа.
Жич: төлөвлөгөөний эхний гүйцэтгэл хийгдэж байгаа ба энэ бүгд ирээдүйд хийгдэх webinar/mastermind/event рүү хөтлөх юм. Гэхдээ ямар нэгэн зүйл гараад ирвэл эсвэл би 1, 2 өдрөөр амрах болбол 7 өдрийн контентоо 7 биш 5 өдрөөр гаргана. Даваа гаригаас Баасан хүртэл ямар ч байсан хийнэ. Эхний 21 өдөр өдөр бүр пост тавина.
Циклийн хувьд….
Энэ төлөвлөгөөгөө 3 эсвэл 4 удаа дахин давтана гэж бодож байна. Би өөрийн дагагчдын тоог нэмэхийг хүсч байгаа, түүгээрээ өөрийн бүтээдхүүн үйлчилгээг санал болгоно. Тэгэхээр миний 21 өдрийн төлөвлөгөө 62 өдрийн зуршил болно гэсэн үг. Ингэснээр энэ миний амьдралын хэсэг буюу DNA болох юм!
Өдөр 28
За эхэллээ дээ. Өнөөдөр онлайн семинараа хийнэ, оролцогсоддоо үнэ цэнийг өгнө, асуудлыг нь шийднэ, өөрийн брэндийг бүтээнэ, хамгийн чухал нь орлоготой болно!
Нээлтээ хийхээс өмнө өөрийн системээ шалгана. Дараа зүйлс хэвийн ажиллаж байгаа эсэхэд итгэлтэй болох ёстой.
ClickFunnels болон Stripe зөв холбогдсон эсэх
Дараах зүйлүүд хэвийн эсэх…
Захиалга авах хэсэг төлбөрөө хэвийн хүлээн авч байнауу
Аweber болон WebinarJam ClickFunnels -тай хэвийн холбогдсон эсэх
Нээлтээ хийснээр би мөнгө хүлээн авах боломжтой болно. Миний саналаар мөнгө орж ирэхээс өмнө PayPal-той утсаар холбогдоно. Би өөрийн бүтээгдхүүнийг сурталчлан тодорхой хэмжээний төлбөрүүдийг хүлээн авах болсон талаар дуулгах юм.
Их олон тоогоор худалдан авалт хийгдэнэ гэж найдахаас. Яагаад үүнийг хийж байгаан гэж үү?
Учир нь хэрэв миний дансаар ихээхэн дүнгүүд гэнэт орж ирэхээр PayPal дансыг маань хаачихаж магадгүй. Хэрэв ийм зүйл болвол би мөнгөө авч чадахгүй болно! Лайв хийхээс өмнө миний анхны автомат емайл хүмүүст очин, удахгүй семинар эхлэх гэж байгааг сануулна.
Нээлтээс 15 минутийн өмнө сүүлийн сануулга явна. Энэ бол миний үйл ажиллагаа эхэлж байгаа агшин юм. Бүх зүйл энэ чухал агшинд бэлтгэгдсэн шүү дээ! Одоо миний хийх ёстой зүйл бол оролцогчдоо өдөөх, мэдээлэл өгөх, хөгжилтэй байх, худалдан авалт хийх линкээ өгөх, эвентийн хаалтаа нухацтайгаар хийх, үлдсэн нь тааллаараа л болог доо.
Бүлээн банндаа хэвтэн, улаан дарсаа шимэн, шинэ худалдан авагчдын жагсаалт болон банкин дах мөнгөний хамт өнөөдрийг үднэ дээ!
Зөвлөх Үйлчилгээний Бизнесийг Хэн ч Хийж Болно
CUSTOM JAVASCRIPT / HTML
Copyright 2018 - Oyuna & Erica - All Rights Reserved
