3. ТЭД БОРООНД БҮЖИГЛЭДЭГ
Оюуны хүчтэй хүмүүс амьдралд ямар нэгэн гарын авлага байдаггүй бөгөөд түүнийг өөрсдөө бичих ёстой гэдгээ мэднэ. Өөрийн дурлаж буй амьдралыг босгох нь тийм ч амархан байдаггүй ч мэднэ. Хэцүү зүйлстэй нүүр тулна, түүнийгээ давснаар амьдралдаа гүн гүнзгийгээр талархдаг. Муу зүйлийг сайн болгож сурсан байх ба бороо тэдний баярын жагсаалыг бусниулахыг хэзээ ч зөвшөөрдөггүй гэсэн үг. Бусад хүмүүс замын чулууг харж байхад тэд түүнийг тойроод гарах замыг харж байдаг.
4. БУРУУ ДАДЛАА ГЭЭДЭГ
Тэдний амьдралд нэмэргүй аливаа зүйлийг явуулдаг. Өөрсдийн сайн сайханд үйлчлэхээ болисон аливаа зүйлийг явуулснаар л тэдний амьдралаа, өөрсдийгөө хамгийн сайнаараа байлгах боломж бүрдэнэ гэдгийг тэд мэддэг. Хортой нөлөө бүхий гэр бүлийн харилцаа, архи тамхи, буруу хооллолт аль ч байсан оюуны хүчтэй хүмүүс тэдгээрээс өөрийгөө хол байлгахад суралцсан байдаг. Тэд амьдралдаа тэдгээртэй орооцолдсон байж болох ч тэд буцаж зөв зам дээрээ гарч, өөрсдийн амьдралд үнэ цэнэ нэмэх дадлуудаа дагадаг байна.
5. ӨӨРСДИЙН БАЙРЬ СУУРИНДАА БАТТАЙ ЗОГСДОГ
Өөрсдөд нь буруу санагдах юм бол "Үгүй" гэж хэлдэг. Бусадтай харьцахдаа өөрийн гэсэн хил хязгаартай байх ба бусдыг түүн дээгүүр алхуулдаггүй. Хэрвээ ямар нэгэн зүйл өөрсдийнх нь цагийн хуваарьт таарахгүй бол үүнийгээ хэлэхдээ ямар ч асуудалгүй байж чаддаг. Тэд өөрсдийгөө хүндэлдэг ба өөрсдийг нь хөлийн алчуур шиг хандахаыг хэзээ ч зөвшөөрдөггүй. Оюуны санааны хувьд хүчтэй хүмүүс өөрсдийн итгэл үнэмшилдээ баттай зогсдог тул амьдралд ганцаардахаас ердөө ч эмээдэггүй байна.
Эцэст нь хэлэхэд ганц шөнийн дотор оюуны хувьд хүчтэй болно гэж байхгүй, үүнийг өдөр бүр хийх дадлуудаасаа олж авдаг. Хүчтэй хүмүүс хил хязгаараа тавьж, өөрсдийгөө хүндэлж, бусад хүмүүс өөрсдийнх амьдралыг авч явна гэж огтхон ч хүлээж найдахгүйгээр бүхнийг хийдэг. Юу ч байхгүйгээс өөрсдийн хүссэн амьдралаа зөвхөн өөрөө л босгох ёстой гэдэгт бүрэн итгэлтэй байдаг. Заримдаа жаахан хэтрүүлдэг байж магад, гэхдээ хийж байгаа зүйлээ өөрсдийн чадварыг сорих, хөгжүүлэх боломж гэж үздэг байна.
Хүндэтгэсэн Чагнаадаржийн Оюунцэнд, Шинэ Зеланд улс