Сошиал медиагийн эрин зуунд, заримдаа бизнес эрхлэгчид вэбсайт шаардлагагүй гэж магадгүй. Facebook, Instagram, Twitter, LinkedIn дээр өөрийн профайлаа бүтээх харьцангуй амархан. Гэхдээ таны сошиал хуудсууд холбогдож болох өөрийн гэсэн “home base” буюу вэбсайттай байх нь маш чухал байдаг.

Яг үнэндээ бол VeriSign - ний хийсэн судалгаагаар хэрэглэгчдийн 84% нь зөвхөн сошиал хуудастай байхаас илүү өөрийн гэсэн вэбсайттай бизнесүүдэд илүү итгэдэг гэдгээ хэлсэн байна. Түүнчлэн 2016 ний байдлаар бизнесүүдийн 40% нь өөрийн вэбсайтгүй болохыг олж мэдсэн байна. Тэгэхээр вэбсайттай байх нь таныг өрсөлдөөнд илүү харагдуулах нь ээ. Вэбсайттай болсноор хэрэглэгчдээ, орлогоо, бизнесийнхээ үнэ цэнийг нэг алхамын урд удирдах боломжийг өгдөг.

Интернет хаа сайгүй байдаг болжээ. 2015 оны нэгэн судалгаагаар дэлхийн хүн амын 43% буюу 3 тэрбум хүн интернеттэй болжээ. АНУ-д хийгдсэн 2018 оны 3 сарын судалгаагаар Америк хүмүүсийн зөвхөн 11% нь интернет ашигладаггүй гэсэн байна.

Интернэт дээр таны вэбсайтыг олж чадахгүй бол таныг бизнес олон хүмүүсийн хувьд байхгүйтэй ижил. Вэбсайттай болсноор та олон хүнд хүрэх боломжтой.

Үүнд гар утас мөн орно гээд боддоо. 2015 онд хийгдсэн өөр нэг судалгаагаар Америкийн насанд хүрсэн хүмүүсийн 64% нь гар утастай байна. 2013 он судалгаагаар гар утастай хүмүүсийн тал нь цахимаар худалдан авалт хийдэг гэсэн байна. Орчин үеийн вэбсайтууд компьютер болон гар утсанд хоёуланд нь тохирсон байдлаар хийгдэх болжээ. Таны ихэнх хэрэглэгчид гар утсаа дандаа авч явдаг бол тэдэнд шууд хүрэхэд амархан болно.

Таны вэбсайтад бизнесийнхээ түүхийг танилцуулах хэсэг байдаг бөгөөд энд илүү амьд харилцаа үүсдэг ажээ. Энд жижиг бизнесүүд шууд давуу талаа гаргах боломжтой. Аав, ээжийн эхлүүлсэн гэр бүлийн бизнесээ удирдаж байна уу? 10 гаран жил болсон байна уу? Хүмүүст энэ тухайгаа хэлж итгэлийг бүтээ. Бүтээлч байдал, хувийн итгэл үнэмшлээ үзүүлэх нь том биш ч тодорхой хүрээлэлд бизнес эрхэлдэг компанид давуу тал болдог.

Хэрэв таны бизнес сошиал хэрэгслээр эсвэл цахим шуудан ашиглан бүтээгдхүүнээ борлуулдаг бол цахим худалдааны вебсайттай (e-commerce) болох хэрэгтэй. МТ-ийн ямарч компани үүнийг таньд хялбархан хийж өгч чадна. Танай бизнесийн ойр байдаггүй үйлчлүүлэгч нартаа үүгээр хүрэх боломжтой.

Вэбсайтны хаягаа одоогийн байгаа сурталчилгааны материалууд (бизнес карт, товхимол гм) дээр байрлуул. Та борлуулалт чинь нэмэгдэхийг харах болно. Жишээ нь таны бүтээгдэхүүний талаарх мэдээллийг хараад шууд худалдан авалт хийхгүй байж болно. Харин худалдан авахыг хүсэх үед нь вэбсайт тань тэдний хамар доор байх болно. Бизнес вебсайт бол хэрэглэгч танай бүтээгдэхүүнийг хайхад эхлэх цэг нь болно.

Бизнесийнхээ бүтээгдэхүүн үйлчилгээний дэлгэрэнгүй мэдээллийг вэбсайттаа оруулах нь дотоод ажилтнууд тань мөн мэдээлэл авах эх үүсвэртэй болдог. Шинэ ажилтнууддаа тодорхой хуудсуудыг нь судалж бүтээгдэхүүнийхээ талаар сайн мэдэх “гэрийн даалгавар өгч болно.”

Товхимол болон бизнесийн картууд заримдаа алга болчихдог. Харин вэбсайтыг хаяхад хэцүү. Хэрэглэгчдийн веб зууч програмын түүхэнд номны хавчуурга болоод байж л байгаа. Ингэж байнга “орших” нь амнаас ам дамжин, хэрэглэгчээс хэрэглэгчид хүрэх боломжийг бүрдүүлдэг.

Вэбсайт дээрээ “Нээлтэй ажлын байр” -нд зориулсан хэсэг байрлуулах хэрэгтэй. Энэ нь төлбөр төлөн үнэтэй сайтууд дээр мөнгө зарахын оронд чадварлаг ажилтнууд өөрсдөө тань руу ирэх боломжийг олгоно.

Энэ хачирхалтай сонсогдож магад гэхдээ вэбсайт бизнесийн чинь байрлалд олон хүнийг хүргэхэд тусална. Вэбсайт дээрх дэлгүүрийн байрлал, хаяг, утасны дугаарыг хайлтын системээр дамжуулан шууд харагдана. Ялангуяа гар утас ашигладаг томоохон үйлчлүүлэгчийн хувьд маш чухал. Тэд таны бизнесийг хайлтаар олоод хаягыг чинь GPS-д оруулаад л олчихно.

Жижиг бизнесүүдийн вэбсайт лавлагаа авахад маш хурдан байдаг талаар жишээ байна. Хэрэв таны бизнес өмнөх үйлчлүүлэгч болон тэдний найзуудын хооронд яригдсан бол тэдний хамгийн түрүүнд хийх зүйл юу байх вэ? Тэд таны бизнесийг цахимаар хайна. Хэрэв та вэбсайттай бол таны бизнесийг амархан олох магадлалтай. Интернетэд таны вэбсайт байснаар бизнесийн өсөлтийг авчирна.