Facebook Maркетингийн үйлчилгээ

Сувгаарх Маркетингийн үйлчилгээ үзүүлэх агентлаг Businessnitrogen.com

David Asarnow бол алсыг харагч бизнес эрхлэгч, дижитал маркетар, “Өрсөлдөөн” номын зохиолч.

David бизнес эрхлэгчдэд үнэ цэнийг өгч өөрийн гайхалтай стратегуудаараа ашиг олоход нь тусалдаг. Түүний үйлчлүүлэгч нар нь “The Monetizer!” буюу “Мөнгө бүтээгч!” гэж нэрлэдэг байна. David бизнесд гаргасан амжилтаараа Бизнесийн Удирдлагын Мастер юм. 20 гаран настай байхдаа $45 сая долларын шинэ салбарыг 5 жилийн дотор $60 сая долларын компани болгожээ. 30 гаран насандаа түүний Үндэсний хэмжээний Franchise компани нь гурван жилийн дотор Entrepreneur Magazine’s Franchise сэтгүүлийн топ 500-д, таван жилийн дотор Топ 15-д жагссан байна.

Энэ амжилтуудыг гаргасныхаа дараа David олон бизнесүүдэд туслахыг хүссэн бөгөөд өөрийн тайзан дээрх айдсыг даван бизнесийн илтгэгч болохоор шийджээ. Хоёрхон жилийн дотор бизнесийн од Tony Robbins, Chet Holmes-ийн бизнесийг төлөөлөх болсон байна.

Өөрийн дуртай зүйлд үндэслэн Business nitrogen нэртэй дижитал маркетингийн агентлагаа байгуулсан байна. Үүгээрээ Funnel Marketing ашиглан жижиг бизнесийн эзэд, бизнес эрхлэгчид нарын бизнесийг түргэтгэхэд тусалдаг болжээ.

David бол дөрвөн удаагийн Click Funnels -ийн Two Comma Club, 2018 оны 8-Figure Award-ийн шагналтан юм. Тэрээр хаа явсан газраа инээд хөөр бэлэглэн харилцаа холбоогоо нэмэгдүүлж явдаг нэгэн. Түүний хэлж байгаагаар “би өглөө бүрийг эхнэр Jen-тэйгээ, хүүхдүүдтэйгээ ( Maddie, Josh) баяр хөөртэйгөөр эхлүүлж байгаадаа өөрийгөө азтай гэж хүн гэж боддог доо” гэжээ.

Миний 30 өдрийн сорилтын талаар унших зүйл чинь бодит юм шүү. 30 өдөрт 6 оронтой орлого бүтээх ямар нэгэн онол биш, энэ миний хийсэн зүйл билээ. 2 Comma Club-ийн шагналыг дөрвөн удаа, 8 Figure Club-ийн шагналыг нэг удаа авснаа болон би өөрийгөө аврахын тулд юу хийх байснаа хэлэхээр шийдлээ. Энд та бүхэнтэй хуваалцаж буй алхамууд бол 30 өдрөөс бага хоногт өөрийн бизнесийг хялбарчлан нэмэлт 6 оронтой орлогыг бүтээсэн, яг миний хийсэн алхамууд юм. Энэ бүлгийн сүүлээр миний өдөр тутамдаа хийдэг үйл ажиллагаануудыг хуваалцах болно. Таалан болгооно уу!

Компанид ажиллаж байгаад тэндээс гарч бүтэлгүйтсэнээ тэр болгон яриад байдаггүй, гэхдээ та бүхэнтэй үүнийгээ хуваалцья. Ийм байдалд орсон нь тийм ч шинэ юм биш, миний хувьд. 10 жилийн өмнө надад тохиолдсон зүйл. Би бараг бүх зүйлээ алдсан. Надад юу ч үлдээгүй гэхдээ миний толгойд мэдлэг маань байсан. Намайг бүх зүйлээ алдахад эхнэр маань хүүхдүүдээ аваад явсан ба яаралтай төлөх өрүүд надад дарамт болж байв. Энэ цэг дээр надад дахиж эхлэх, ажиллахаас өөр сонголт үлдээгүй юм. Надад Америкт маш сайхан карьер байсан. Гэхдээ надад бизнес эрхлэгч болох хүсэл маш их байсан юм. Би нэг л өдөр ажлаасаа гарсан. Эхний хагас жилд би өөрийгөө олох, цаашид байнга хийх зүйлдээ өөрийгөө бэлдэхэд зарцуулсан. Би яг юун дээр төвлөрөхөө мэдэхгүй байлаа, тиймээс маш их мөнгийг процессд шатаасан байдаг.

”Хамгийн сүүлчийн ганц зоос руугаа орох” энэ бол би байсан юм. Миний дансанд юу ч үлдсэнгүй, миний хадгаламжинд юу ч үлдсэнгүй. Өө миний зээлийн карт? Тиймээ энэ төлбөрүүд хэдэн мянган долларт хүрлээ. Та намайг мөнгөө дуусахаас өмнө асуудлаа зохицуулсан гэж бодох байх лдаа, гэхдээ би тэнд мөрөөдөлдөө умбан сууж байхдаа “Чөтгөр гэж” (би энд их хүчтэй үгс ашигласан байх) “Би одоо юу хийх вэ?” Миний лизингийн машины төлбөр нэхэгдэж байна, байрны моргейж нэхэгдэж байна, надад санаа тавих гэр бүл байгаа. Тэгээд л боссон. Би юу хийхээ аль хэдийн мэдэж байгаа.

Би чинь 45 сая долларын бизнесийг хөгжүүлсэн, Top 15 Hot Franchise компаний Гүйцэтгэх Захирал байсан хүн шүү дээ. Хүмүүсийн асуудлыг шийдэхэд туслая. Би Америк компанийхаа ажилд дуртай байсан гэхдээ тэдний дүрэм журам нь намайг хязгаарладаг байсан юм. Би хэн нэгний хаант улсыг байгуулж байгаадаа дуртай байгаагүй. Гэхдээ хүмүүст туслах? Энэ бол миний дуртай хэсэг.

Энэ Аха агшин миний хүмүүст туслах миний амьдралын дизайныг гаргахад тусалсан юм. Би өөрийн тусалж чадна гэсэн бизнесүүдтэй холбогдоно гэж өөртөө тангарагласан, мөн өөрийгөө өрөвдөн гомдоллохгүй гэж тангарагласан юм. Би өдөр бүр хүмүүст тусалж байгаа боломжиндоо талархаж байна гэж өөртөө тангарагласан. Энэ зөвхөн миний банкны дансыг өсгөөд зогсохгүй миний баяр баясгаланг нэмэх ёстой.

Дараагийн 30 өдөр өөрийн 6 оронтой бизнесийн моделоо бүтээн түүнийгээ дахин дахин ашигласаар байх болно. Миний дараагийн 30 өдөр хийх зүйлийг та ч бас хийж чадна. Та миний 10 жилийн өмнө байснаас хамаагүй боломжтой үед байгаа. Тэр үед ClickFunnels байхгүй байсан юм. Харин та одоо тэрүүгээр сэлж чадна. За энд миний хийх зүйлс байна даа.

Бүх зүйлийг тодорхой болгох. Хамгийн эхний хийх зүйл бол утас дуугарахыг мартах. Зээлдүүлэгч нарыг мартах. Намайг завсарлага авахад хүргэсэн зүйлс эсвэл бүтэлгүйтсэнээ мартах. Одоо бол хийх зүйлээ тодорхой болгон ТӨВЛӨРӨХ цаг. Би хэн нэгэнд тусалж чадна гэдгээ МЭДЭЖ байгаа. BOOM!

Би одоо миний эргэн тойронд байгаа амьдралаа маш хурднаар эргүүлж чадна. Өдөр бүр хамгийн багадаа 5 минутийн явган алхах, иого хийх, эсвэл амьсгалж бүх зүйлийг тодорхой болгох цаг гаргана гэж өөртөө амласан. Миний оюун ухаан сийрэг үед гайхалтай зүйлс толгойд орж ирдэг. Дараагийн 30 өдөр амьдралаа огцом өөрчилж чадна гэдэгтээ итгэлтэй байгаа. Амвдралаа өөрчилчихөөр дэлхийг өөрчлөх боломж надад гарч ирэх болно.

Дасгал дээр төвлөрөх. Эдгээр асуултууд дараагийн 30 өдөрт миний хийх зүйлийг тодорхой болгоход тусална. Хэрэв би үүнийг зөв хийхээ мэдэж байгаа бол үлдэх зүйлс нь амархан болж ирнэ. Тиймээс арай гүнзгий бод тэгээд үүнийгээ цаасан дээр цувуулан бичнэ.

- Би үнэхээр юуг хийх дуртай вэ?

- Би юу хийхдээ сайн бэ? Миний юу хийсний бусад хүмүүс гайхалтай гэдэг вэ?

- Миний амьдралдаа хийсэн хамгийн том амжилт хаана байдаг вэ?

- Би юу хийхийг хүсч байна вэ?

- Надад юу хамгийн чухал вэ?

- Хэрэв шидэт дохиур гарч ирээд хүссэн зүйлээ ав гэвэл энэ юу байх вэ?

- Би үүнийгээ ашиглаад хэрхэн хүмүүст тусалж чадах вэ?

- Би хэнд үйлчлэхийг хүсч байна вэ?

- Миний эцсийн зорилго юу вэ?

Үнийн асуудлыг цэгцлэх. Хүмүүсээс ярилцах санал ихээр хүлээн авах бөгөөд энэ ажил маань ч амжилттай байгаа. Тэгтэл үнийн асуудал гарч ирнэ. Стандарт үнийг л тэд асууна. “Энэ гайхалтай сонсогдож байгаа, гэхдээ би яг одоо энэ үнээр явж болохгүй” тэгээд яахуу? Бизнесийн стратегич Roy Cammarano нэг удаа хэлсэн байдаг “хэрэв таньд нэгээс олон арга зам байгаа бол та өөрийн замаа үргэлж олох болно”.

Би үүнийг жаахан өөрчлөөд хүмүүст хэлдэг юм “нэгээс олон хожих арга замууд байгаа бол та үргэлж хожих болно!” Тэднийг над руу залгахад би хоёр асуултыг өөрөөсөө болон ирээдүйн үйлчлүүлэгчээсээ асууна.

Хэрэв мөнгө асуудал биш бол та надтай ажиллахыг хүсэх үү?

Хэрэв би хамтдаа ажиллах арга замыг олоод энэ нь бидний урагш нь явуулж байвал та үүнийг хийх үү?

Хэрэв тэд тиймээ гэж хэлвэл өөр нэг өдөр дараагийн ярилцлагыг төлөвлөнө. Тэгээд би хожих арга замыг олох дээр ажиллана. Илүү үнэ цэнэ өгөх зүйлийг бонустай эсвэл хувааж төлбөрөө хийх замуудын алийг нь ч сонгосон би тэднийг амжилт гаргуулах өөрийн оролдлогыг үзүүлэх болно.

Багыг зараад ихийг хож. Өөр нэг үр дүнтэй стратеги бол бага хэмжээний үйлчилгээ үзүүлэх. Хэрэв ирээдүйн үйлчлүүлэгч маань бүрэн үйлчилгээнд төлж дийлэхгүй гэж бодож байгаа бол lead magnet буюу төлбөргүй зүйлээ явуулах сувгийг нь хийж өгч болохгүй гэж үү? Нэгэнт маш олон хүний емайл цуглуулаад ирэхээрээ тэд дараагийн үйлчилгээгээ надаас авна шүү дээ.

Би өөрийн төслийг хэрэгжүүлэх санхүүгийн нэлээд олон арга замуудыг бүтээх ёстой юм. Би тэднийг үр дүн гарган, над руу ирэхдээ тааламжтай байгаасай гэж хүсч байна.

Анхны үйлчлүүлэгчээ бүртгэж авах. Миний өнөөдрийн хийх ажил бол төсөл санал болгосон хүмүүс рүүгээ холбогдох ба гэрээнд гарын үсэг зурж үүнийгээ тэмдэглэнэ. Би замдаа гарлаа! Сувгаа хийхдээ ClickFunnels-ийг ашиглаад үйлчлүүлэгчийн төлбөр авах хэсгийг хийх ба энэ линкээ шинэ үйлчлүүлэгч рүүгээ илгээнэ. Woo-hoo! Эхний орлого орлоо. Энэ процесоо дараа дараагийн үйлчлүүлэгчдээ давтаад л байна.

Үйлчлүүлэгчээ хүлээн авах формыг бэлтгэнэ. Үйлчлүүлэгчтэйгээ ажлаа эхлэхийн тулд ad accounts, Google and Bing accounts зэрэг платформууд дээр аккаунт нээх ба үүгээрээ тэдэнтэй холбоотой байх хэрэгтэй. Энэ процессоо амархан болгохын тулд би суугаад үйлчлүүлэгч бүрээ хүлээн авах формыг бэлдэх ба үүнд тэднээс надад юу хэрэгтэй байгаа, хэрхэн тэдэнд үйлчлэх талаараа тайлбар оруулна. Би үүнийгээ загвар болгон хадгалаад дараа нь холбоо барихдаа ашиглаж байх юм.

Өнөөдрийг хүртэл урт хугацааны амжилт гаргах зүйлсээ хийлээ, зөвхөн ганцаараа борлуулалтаа хийн үйлчлүүлэгчээ олох гм. Одоо надад үйлчлүүлэгч байгаа болохоор би болгоомжтой байх ёстой. Эхний оролдлого маань бензинийг минь дүүргэсэн тул одоо үйлчлүүлэгчийнхээ төсөл рүү төвлөрөх цаг. Энэ үйлчлүүлэгчийн төсөл дуусах хүртэл өөр үйлчлүүлэгч хайх боломжгүй.

Урт хугацаанд амжилт гаргахын тулд би өөрийн байгаа бензинээ дуустал дайчлах цаг. Тиймээ, өглөөнөөс оройг дуустал урт өдрүүд байх болно. Гэхдээ би ядраад л эхэлвэл тийрэлтэт хөдөлгүүрийн тухай бодно. Тэд эхлээд л нэг хүчээ аваад агаарт гарчихвал нисгэгч түүнийг залаад л болоо. Би яг одоо хүчээ авах тэр цэг дээр байгаа, тиймээс надад бүрэн хааз хэрэгтэй.

Амжилтанд хүрэхэд өдрийн хийх зүйлс. Одоо байгаагаа үргэлжлүүлэхийн тулд би бүх цагаа бизнесдээ зориулна. Үүнийг хийх цорын ганц зүйл бол өөрийн цаг бүрийг зорилготой болгох. Сууж аваад календар дээр төлөвлөгөөгөө оруулна, өдрүүдээ дараах алхамуудад хуваарилна. Жишээ нь:

- Тодорхой байх, төвлөрөх. Миний аз жаргалтай, эрүүл, мөнгөтэй байх зорилго >1 цаг

- Процесс ба стратеги >2 цаг

- Шинэ үйлчлүүлэгч цуглуулах/lead generation>4 цаг

- Шинэ томоохон үйлчлүүлэгчид танилцуулга хийх >3 цаг

- Одоогийн үйлчлүүлэгчидтэй утсаар ярих 1,5 цаг хүртэл

- Суваг болон хөрөнгө бүтээх 4+цаг

- Аз жаргалтай, эрүүл байх зорилгууд 0,5 цаг

Сүүлийн зураглал. Би одоо гэртээ зураглал гаргаж байна! Энэ маш чухал. Өөрийн бизнесээ хөгжүүлэх болон үйлчлүүлэгчдээ үр дүн гаргахийн тулд би төвлөрөхөө үргэлжлүүлэх ёстой. Хамгийн чухал өсөлттэй урагшлах миний олсон арга бол өөрийн өдрүүдэд хийх ажлын хуваариа гаргах.

Тодорхой хугацааг тодорхой хийх зүйлүүдээрээ дүүргэх нь зөвхөн НЭГ ЗҮЙЛИЙГ тухайн цаг хугацаанд хийх боломжийг олгоно. Хэрэв ямар нэгэн зүйл хуваарьт ороогүй л бол энэ хэзээ ч хийгддэггүй. Утас дуугарна, эсвэл емайлууд хүлээн авна. Энэ бүхэнд өөрийгөө сатааруулмааргүй байна. Тасралтгүй ажиллах нь ямар үр дүнтэй болохыг хараад би үнэхээр гайхдаг шүү!

> 1 цаг. Бизнес дээрээ ажиллах. Утсаа унтраагаад зөвхөн өөрийн бизнесийн хөгжил дээр ажиллана.

> 2 цаг. Процесс ба стратеги. Утсаа унтраагаад үйлчлүүлэгчийнхээ процесс болон стратеги дээр ажиллана.

> 4 цаг. Шинэ үйлчлүүлэгч ба емайл цуглуулах/Lead Generation. Үүнд тийм ч их цаг буюу 4 цаг зарцуулахгүй байж болно, гэхдээ хамгийн багадаа 30 минут зарцуулах нь хамгийн их өгөөжтэй байдаг.

> 3 цаг. Орлого авчрах үйл ажиллагаа. Томоохон шинэ үйлчлүүлэгчдээ танилцуулга хийх цагийг гаргах хэрэгтэй, 20 минутийн богинохон видео уулзалтуудыг хийнэ.

> 1,5 цаг. Одоогийн үйлчлүүлэгчтэйгээ утсаар ярих, холбогдох

> 2-6 цаг. Тактик болон тестүүд. Энэ бол сувгууд болон хөрөнгө хийхэд цагаа зарцуулах цаг. Надад туслах хэн нэгнийг хөлслөх, эсвэл холбоо барина. Тэгээд тест хийх процессоо гарган бүх зүйлс алгуур явагдаж байгаад итгэлтэй болох ёстой.

> 1 цаг. Өөртөө болон гэр бүлдээ цаг зарна.

Энгийн байдлаа хадгална. Өнгөрсөн үед зарим нэг төвөгтэй сувгуудыг хийсэн байдаг, хамгийн энгийн сувгууд сайн ажиллаж байгааг олж мэдсэн. Эдгээр нь илүү төвлөрсөн, бас таргетаа сайн олсон байдаг. Түүнчлэн тэд үнэ цэнийг бүтээх төлөвлөгөөтэй байх ба зах зээлийн хүсч буй мессэжийг өгөхөөр хийгддэг. Хэрэв ямар нэгэн зүйл их төвөгтэй хийгдсэн санагдвал би түүнийг хялбар, энгийн болох талаар боддог юм.

Өдөр 30

Төгсгөлийн мөр үү эсвэл эхлэлийн мөр үү? Надад баяр хүргээрэй! Би ирчихлээ. Би хүсч байсан 6 оронтой бизнесийнхээ зам дээр сайн явна. Гэхдээ энэ бол миний аялалын зөвхөн эхний алхам юм. Амжилттай бизнесийг босгоход цаг орно, төлөвлөлт болон шургуу байдал маш чухал. Амжилтанд тиймээ гэж хэлж байгаа бол гомдоллохоо мартах хэрэгтэй. Өнгөрсөн 30 жилд бизнесд явахдаа миний олж мэдсэн нэг зүйл бол: өндрөөс өндөрт хүрсэн хүмүүс яавал амжилтанд хүрэх вэ гэдэгт төвлөрдөг, маш бага гомдоллодог эсвэл амжилтгүй байгаа шалтгаануудаа ярилцдаг.

Төгсгөлийн үг

Чи хаана байгаа, ямар зорилготой байсан хамаагүй би чамд маш их амжилтыг хүсч байна. Бизнес босгох амархан биш байж магад гэхдээ л таныг шагнана гэдэг нь эргэлзэх хэрэггүй. Хэрэв та миний 30 өдрийн аялалыг дагасан бол, илүү гүнзгий орсон бол энэ зөвхөн таны цаг энергийг барах зүйл биш 30 хоногт 6 оронтой орлого бүхий бизнесийг босгох тухай юм. Та зорилго, төлөвлөгөө руугаа гүнзгий орж, өөрийн амьдралын дизайныг гаргах болно. Юу хүсч байгаагаа мэдэхийн тулд дотор хүнтэйгээ холбогдох нь чамайг сайн сайханд хүргээд зогсохгүй таны бизнесийг амжилтанд хүргэх болно. Энэ таны бизнесийг урт хугацаанд тогтвортой байлгах болно.

Би таныг нэг зүйлийг мэдээсэй гэж хүсч байна…Тэнгэр бол хязгаар. Нээрэн шүү! Маш олон хүмүүс ажил, карьер, тэр ч бүү хэл тэдний хувьд таарамжгүй гэр бүлээ алдаж байгаа. Таны байгаа байдал мэдэхгүй зүйлийн чинь айдсаас илүү тухтай. Сэтгэл хөдлөл болон айдас нь ирээдүйд шилжилт авчрах ижилхэн зүйл байдгийг санаарай. Амьдрал санал болгож байгаа бүх зүйлийг та авч чадна, хийж чадна, тэр төвшинд байж чадна. Нэг удаадаа нэг л жижигхэн (эсвэл том) алхам хий, таныг дээш нь татах ижил бодолтой хүмүүсээр өөрийгөө хүрээлүүл. Гайхалтай зүйл болно гэж итгэ. Хэцүү үе таарахад хүссэн амьдралаа бүтээхэд чинь таныг сорьж байна гэдгийг ухаар. Би таньд энэ хорвоогийн бүх амжилтийг хүсч байна. David

Орчуулсан: Чагнаадожийн Оюунцэнд, Шинэ Зеланд улс